அவனுக்குத் தெரிந்தது

அவனுக்கு டை கட்டத் தெரியாது
அதில் முடிச்சும் போடத் தெரியாது
அரசியல் கட்டுரை வாசிக்கத் தெரியாது
அரசியலே தெரியாது
சமயங்களில் புலிக்கும் பூனைக்கும் வித்தியாசம் தெரியாது
அதனால் சூடுபோட்டுக் கொள்ளவும் தெரியாது
எந்தக் காளையையும் இதுவரை அடக்கியதில்லை
எந்த மாமன் மகளும் அவன் கழுத்தில் மாலையை வீசியதில்லை

தோற்றுப்போய்விடுவோம் என அதி நிச்சயமாகத்
தெரியும் சில பந்தயங்களில் மட்டும்
அவ்வப்போது கலந்து கொள்வதுண்டு.