சுழன்று கொண்டேயிருக்கும்
ஒரு கூர்வாளில் சிக்கிச் சின்னாபின்னமாகிறது
ஈரமுத்தமொன்று
சிதறிக்கிடக்கும் உதட்டுத் துண்டுகளில்
கசியும் குருதி பார்த்து கலங்குபவன்
ஒரு துண்டில் உன் பெயரையும்
இன்னொரு துண்டில் என் பெயரையும் எழுதுகிறான்
நம் பெயர் எழுதப்பட்ட
வேறொரு துண்டு முழு உதடாகி
பின் பேருதடாகி மிகப்பேருதடாகி
அந்த வாளையே விழுங்கிக் கொண்டிருக்கிறது
ஒவ்வொரு முறையும்.
No comments:
Post a Comment