பிரம்ம முகூர்த்தம்
பிரசவித்த களைப்பு தீர
தன் ஏழாவது குட்டியை
இன்று இரவு தின்னத் தொடங்கும்
தாய்ப்பூனை.
சிகரெட் சாம்பலை சேமித்திருப்பவன்
உள்ளங்கையில் வைத்து அழிக்கிறான்
கடைசித் துளித்தீயை.
அறுபடும் ஆயுள் ரேகையின்
எண்ணிக்கை மறந்துவிட்டது
அவனுக்கு.
பிரம்ம முகூர்த்தத்தில்
அவன் கழுத்து நரம்பினை அறுக்கும்போதெல்லாம்
கனவு வருகிறது.
No comments:
Post a Comment